آیت کریمہ نماز کے بعد دعا کے طور پر پڑھنا کیسا ہے

 السلام عليكم ورحمتہ اللہ وبرکاتہ

بعده عرض ہے کہ

مسئلہ: کیا فرماتے ہیں علمائے کرام اس مسئلہ میں کہ لاالہ الا انت سبحانک انی کنت من الظلمین پڑھ کر دعا مانگنے اور مقتدیوں کے آمین کہنے پر آپ نے عدم جواز کا حکم دیا ہے، تو پھر ربنا ظلمنا انفسنا کے جائز ہونے کی وجہ کیا جبکہ وہ بھی ایک نبی حضرت آدم علیہ السلام اور حضرت حوا رضی اللہ تعالی عنہا نے کہا تھا ؟

المسفتی اکرم رضا

وعليكم السلام ورحمتہ اللہ وبرکاتہ

بسم الله الرحمن الرحيم

الجواب بعونہ تعالی

ربنا ظلمنا انفسنا وان لم تغفر لنا وترحمنا لنكونن من الخسرين

ترجمہ: اے ہمارے رب ہم نے اپنے آپ برا کیا تو اگر تو ہمیں نہ بخشے اور ہم پر رحم نہ کرے تو ہم ضرور نقصان والوں میں ہوئے

، یہاں سب جمع کے صیغے ہیں، اس آیت کے ذریعے حضرت آدم علیہ السلام اور حضرت حوا رضی اللہ عنہا اپنی لغزش کے بعد ندامت و شرمندگی کا اظہار کرکے اللہ کی بارگاہ میں دعا کرکے اللہ کی رحمت و معافی کے طلب گار ہوئے ،

معلوم ہوا کہ یہ آیت کریمہ مومنوں کی مغفرت و تربیت کے واسطے ایک دعا بھی ہے اس لئے یہاں آمین کہنا جائز ہے ، جبکہ لا اله الا انت سبحانك اني كنت من الظلمین ، آیت کریمہ کے ذریعے حضرت یونس علیہ السلام نے اللہ تعالی کی تسبیح بیان کیا ہے ناکہ دعا اس میں انی کنت واحد کا صیغہ ہے اور اس کے معانی پر غور کریں یعنی کوئی معبود نہیں سوا تیرے پاکی ہے تجھ کو بیشک مجھ سے بے جا ہوا یہاں دعائیہ جملہ نہیں ہے،

بلکہ آپ اس اسم اعظم کا ذکر کرکے اللہ کی تسبیح و تہلیل اور ذکر میں مشغول تھے تو اسی تسبیح کی برکت سے یونس علیہ السلام کو مچھلی کے پیٹ سے نجات ملی معلوم ہوا کہ یہ آیت کریمہ مومنوں کے لئے ایک تسبیح اور وظیفہ ہے اس لئے مقتدیوں کا یہاں آمین کہنا بے معنی ہے، اسی لئے علامہ امام فخر الدین رازی علیہ الرحمہ نے فرمایا کہ اس آیت کو بطور دعا پڑھنا اور مقتدیوں کو آمین یعنی اے اللہ قبول فرما، کہنا جائز نہیں ہے، اور پریشانی و مصیبت میں بطور وظیفہ پڑھنے کے بعد دعا کرے تو اللہ تعالٰی اس کی دعا قبول فرماتا ہے،

معلوم ہوا کہ اسے وظیفے کے طور پر پڑھنا چاہئے اور یہاں آمین کہنا ہے معنیٰ ہے

والله تعالى ورسولہ اعلم بالصواب

کتبہ

محمد عمران علی نعمانی رضوی

محرم میں قربانی کا گوشت کھانے کو گناہ کہنا اٹکل سے بغیر تحقیق کے غلط مسئلہ بتانا ہے جو بلاشبہ ناجائز و گناہ ہے اس لئے کہنے والے پر توبہ واجب ہے

*بسم الله الرحمن الرحيم*

*الصــلوة والسلام عليك يا رسول الله ﷺ*

ا•───────────────────────────────────•

           *`غـلـط فـہـمـیـوں کـی اصـلاح`*

*الســوالـــــــــــــــ*

 

*کیا فرماتے ہیں علمائے دین اس مسئلے کے بارے میں کہ میرے گھر میں قربانی کا گوشت پڑا ہوا ہے ۔ چند دن پہلے میرا ایک عزیز گھر میں آیا اس نے بتایا کہ قربانی کا گوشت محرم سے پہلے پہلے ختم ہو جانا چاہئے محرم میں قربانی کا گو شت کھانا گناہ ہے ۔ میری رہنمائی فرمائیں کہ کیا واقعی محرم میں قربانی کا گوشت کھانا گناہ ہے ؟*

*ا•‍━━━━•••◆◉💠◉◆•••‍━━━━•*

*الجــوابـــــــــــــــ*      

مستحب یہ ہے کہ قربانی کے گوشت میں سے خود بھی کھائے اور دوسروں کو بھی کھلائے اور افضل یہ ہے کہ سارے گوشت کے تین حصّے کئے جائیں ایک حصّہ فُقَرا کو اور ایک حصّہ دوست واحباب کو دے اور ایک حصّہ اپنے گھر والوں کیلئے رکھ لے ۔ اگر سارا گوشت اپنے گھر میں رکھا اور استعمال کر لیا تو اس میں بھی کوئی حرج نہیں اور جب تک چاہیں رکھ سکتے ہیں استعمال کر سکتے ہیں محرم سے پہلے پہلے ختم کرنا شرعاً ضروری نہیں، 

ابتدائے اســلام میں تین دن سے زیادہ رکھنے کی ممانعت تھی جو بعد میں منسـوخ ہوگئی ۔ 

لہـــــذا قربانی کرنے والا یا جسے وہ دے جب تک چاہیں استعمال کرسکتے ہیں ۔

*یــاد رہے* کہ محرم میں قربانی کا گوشت کھانے کو گناہ کہنا اٹکل سے بغیر تحقیق کے غلط مسئلہ بتانا ہے جو بلاشبہ ناجائز و گناہ ہے اس لئے کہنے والے پر توبہ واجب ہے ۔

*(📙 مختصر فتاوی اہلسنت ، ص٢١٨)*

ا•───────────────────────────────────•

✍🏻 ۔۔۔۔ فیضـان القادری

 پیشکش : فیضانِ حضرتِ مخدوم جہاں (گروپ)

85

بوقت فاتحہ غوث پاک یا خواجہ غریب نواز وغیرہ کے نام سے گھی یا تیل کے گیارہ چراغ روشن کرنے شرعی حکم کیا ہے اور مزارات مقدسہ پر چراغ جلانا کیسا ہے

کیا فرماتے ہیں علمائے کرام و مفتیانِ عظام مندرجہ ذیل مسائل کے متعلق 

 بوقت فاتحہ غوث پاک یا خواجہ غریب نواز وغیرہ کے نام سے گھی یا تیل کے گیارہ چراغ روشن کرنے شرعی حکم کیا ہے 

اور مزارات مقدسہ پر چراغ جلانا کیسا ہے

بسم اللہ الرحمن الرحیم 

الجواب بعون الملک الوھاب اللھم ہدایۃ الحق و الصواب 

بوقت فاتحہ غوث پاک یا خواجہ غریب نواز یا دیگر بزرگان دین رحمھم اللہ المبین کے نام سے آج کل جو گھروں میں چراغ روشن کئے جاتے ہیں اس کی اجازت نہیں ہے 

کیونکہ وہ بے مقصد صحیح، بے محل و حاجت کے روشن کیے جاتے ہیں اور اس عمل میں برکت کا تصور بھی کیا جاتا ہے جو محض باطل و بے اصل، من گھڑٹ ہے اور یہ وضع جہالت اور مال کا ضیاع ہے 

البتہ اگر چراغ کی روشنی میں کچھ پڑھنا ہو شرعی تقاضے کے مطابق ہو تو چراغ روشن کئے جا سکتے ہیں 

اور بزرگان دین رحمھم اللہ المبین کے مزارات مقدسہ پہ آج کل جو چراغ روشن کئے جاتے ہیں اس سے بھی اجتناب لازم ہے 

 بطور تعظیم صرف ایک آدھ چراغ روشن کرسکتے ہیں 

کیونکہ چراغ روشنی کے لیے جلایا جاتا ہے اور وہاں چراغ کی روشنی سے کہیں زیادہ روشنی (لائٹ، بلب) وغیرہ کا اہتمام ہوتا ہے

لہذا اب چراغ روشن کرنا اسراف ہوگا 

البتہ اگر وہاں روشنی کا اہتمام نہ ہو زائرین کو آنے جانے میں تکلیف ہوتی ہو یا تلاوت قرآن پاک، ذکر و اذکار کرنا دشوار ہو رہا ہو، شرعی حاجت و ضرورت ہو 

تو ایسی صورت میں چراغ جلانا، روشنی کرنا جائز و درست بلکہ مستحسن و بہتر ہے 

اسراف کے متعلق اللہ تعالیٰ ارشاد فرماتا ہے 

اِنَّ الْمُبَذِّرِیْنَ كَانُوْۤا اِخْوَانَ الشَّیٰطِیْنِؕ-وَ كَانَ الشَّیْطٰنُ لِرَبِّهٖ كَفُوْرًا

ترجمہ کنز الایمان : بیشک اڑانے والے شیطانوں کے بھائی ہیں اور شیطان اپنے رب کا بڑا ناشکرا ہے۔

تفسیر صراط الجنان میں ہے 

اس سے پہلی آیت میں  اللّٰہ تعالیٰ نے ارشادفرمایا کہ فضول خرچی نہ کرو جبکہ اس آیت میں  فرمایا کہ بیشک فضول خرچی کرنے والے شیطانوں  کے بھائی ہیں  کیونکہ یہ ان کے راستے پر چلتے ہیں  اور چونکہ شیطان اپنے رب کا بڑا ناشکرا ہے، لہٰذا اُس کا راستہ اختیار نہیں کرنا چاہیے۔( پارہ ١٥،سورہ بنی اسرائیل، آیت ٢٧)

سول اللہ صلی اللّٰہ علیہ وسلم ارشاد فرماتے ہیں:

" وَكَرِہَ لَكُمْ قِيْلَ وَقَالَ ، وَكَثْرَةَ السُّؤالِ ، وَإضَاعَةَ الْمَالِ "

ترجمہ: اللہ تعالی نے تمہارے لئے تین چیزوں کو ناپسند فرمایا ہے ، قیل و قال ، بےضرورت سوالات کی کثرت اور مال کا ضیاع ،

(الصحیح للبخاری ، کتاب الادب ، باب عقوق الوالدين من الكبائر ، رقم الحدیث: ۵۹۷۵ ، ص۱۵۰۱ ، دار ابن کثیر ، الطبعۃالاولی:۱۴۲۳ھ)*

سیدی اعلیٰ حضرت الشاہ امام احمد رضا خان رحمۃ اللہ علیہ فرماتے ہیں:” مگر فاتحہ کے وقت گھی کا چراغ جلانافضول ہے، اور بعض اوقات داخلِ اسراف ہوگا، اس سے احترازچاہیے ۔ “

(فتاوٰی رضویہ ، ج9 ، ص616 ، مطبوعہ رضا فاؤنڈیشن ، لاھور)

دوسرے مقام پہ فرماتے ہیں :”اور قریبِ قبر سلگانا کہ اگر وہاں کچھ لوگ بیٹھے ہوں کہ نہ تالی یا ذاکر بلکہ صرف قبر کے لیے جلا کر چلا آئے، تو ظاہر منع ہے کہ اسراف و اضاعت مال ہے۔‘‘(فتاوی رضویہ،جلد9،صفحہ482 ، رضافاؤنڈیشن لاہور) 

روح البیان فی تفسیر القرآن میں ہے

ایقاد القنادیل و الشمع عند قبور أولیاء و الصلحاء من باب التعظیم و الا جلال ایضاً للاولیاء فألمقصد فیھا مقصد حسن و نذر الزيت و الشمع للالياء يوقد عند قبورهم لهم و محبة فيهم جائز ايضا لا ينبغي النهى عنه 

یعنی أولیاء وصلحاء کی قبور مبارک پر چراغ جلانا جائز ہے کہ یہ ان کی تعظیم ہے، اور یہ اچھا مقصد ہے 

 (روح البیان فی تفسیر القرآن ج 3 ص 420 سورہ توبہ ، دار الکتب العلمیہ بیروت)

فتاویٰ رضویہ میں ہے : “اگر شمعیں روشن کرنے میں فائدہ ہو کہ موضع قبور میں مسجد ہے یا قبور سر راہ ہیں یا وہاں کوئی شخص بیٹھا ہے یا مزار کسی ولی اللہ یا محققین علماء میں سے کسی عالم کا ہے وہاں شمعیں روشن کریں ان کی روح مبارک کی تعظیم کےلئے جو اپنے بدن کی خاک پر ایسی تجلی ڈال رہی ہے جیسے آفتاب زمین پر، تاکہ اس روشنی کرنے سے لوگ جانیں کہ یہ ولی کا مزار پاک ہے تاکہ اس سے تبرک حاصل کریں اور وہاں اللہ عز و جل سے دعا مانگیں کہ ان کی دعا قبول ہو تو یہ امر جائز ہے اس سے اصلاً ممانعت نہیں ، اور اعمال کا مدار نیتوں پر ہے۔

(فتاوی رضویہ جلد 4 ص 145)

فتاوٰی ادارہ شرعیہ میں ہے 

یعنی قبروں پر چراغ لے جانا بدعت اور مال کا ضائع کرنا ہے۔ اسی طرح بزازیہ میں ہے اور یہ سب اسی صورت میں ہے جب کہ یہ فعل بے فائدہ ہو۔ لیکن اگر کسی قبر کی جگہ مسجد ہو یا قبر راستہ پر ہو یا وہاں کوئی بیٹھا ہو یا کسی ولی یا محقق عالم کی قبر ہو تو ان کی روح کی تعظیم کرنے اور لوگوں کو بتانے کے لئے کہ یہ ولی کی قبر ہے تاکہ لوگ اس سے برکت حاصل کریں اور وہاں اللہ سے دعا کریں تو چراغ جلانا جائز ہے۔‘‘ (فتاوٰی ادارہ شرعیہ دوم ،صفحہ ٤١١)

و اللہ اعلم عزوجل و ورسولہ اعلم صلی اللّٰہ تعالٰی علیہ وآلہ واصحابہ وبارک وسلم 

کتبہ  عادل رضا قادری حنفی

١٠ربیع الآخر ١٤٤٦ ہجری- 14 اکتوبر 2024 عیسوی

ہندو کے دوکان پر قرآن پڑھنا کیسا؟

السلام علیکم ورحمۃ اللہ وبرکاتہ 

کیا فرماتے ہیں علمائے دین ومفتیان شرع متین اس مسئلہ کے بارے میں 

ایک کارخانہ ہے جس میں سب مسلمان کام کرتے ہے اور جس کا کارخانہ ہے وہ ہندو ہے  اور وہ سورہ بقرہ کی تلاوت کرانا چاہتا ہے 

کیا سورہ بقرہ کی تلاوت قرآن پڑھ سکتے ہیں 

جواب عنایت فرمائیں مہربانی ہوگی 

سائل محمد منتظر عالم ممبئی

وعلیکم السلام ورحمتہ الله وبرکاته

الجواب بعون الملک الوہاب

کافر کے مکان یا دکان میں قرآن خوانی کرنا جائز ہے

اس لئے کہ یہاں اس زمانے میں ہندوؤں کے گھر کسی مباح کام کے لئے جانے کی اجازت ہے"تمام مسلمانوں کا اس پر عمل درآمد ہے اس لیے کسی ہندو کے گھر جاکر قرآن مجید پڑھنا,اور کسی بزرگ یا مسلمان کے نام پر ایصالِ ثواب کرنا جائز ودرست ہے_ جبکہ ہندو کے اس گھر میں، جس میں قرآن خوانی ہوئی ہے' دیوتاؤں کی تصویریں نہ ہوں اور کسی جاندار کی تصویر نہ ہو _

{فتاوی شارح بخاری جلد دوم کتاب العقائد صفحہ 550}

اور اسی طرح کافر کے دوکان میں بھی بنیت عبادت قرآن خوانی کرنے میں کوئی حرج نہیں،، جیسے نماز پڑھنے میں کوئی حرج نہیں، 

البتہ تلاوت قرآن مجید پر جو اللّٰہ کی رحمت نازل ہوتی ہے اس سے کافر مستفیض نہیں ہونگے...(الی الآخر)

{فتاوی شارح بخاری جلد اول کتاب العقائد صفحہ 657: 658}

 ( نوٹ ) مسلم کارکنان کے لئے برکت کی نیت ہونی چاہیے ناکہ  اس کارخانے کے مالک کے لئے اس لئے کافر کسی رحمت کا مستحق نہیں اسکے لئے صرف  ہدایت کی دعا کیجائے گی

والله تعالیٰ اعلم

     کتبـــہ 

محــــمد معصــوم رضا نوری

منگلور کرناٹک انڈیا 

۲۲ جمادی الآخر ١٤٤١ھ

+

مزار پر حاضری کا طریقہ کیا ہے؟ اور مزار کو بوسہ دینا اور سجدہ کرنا کیسا؟

سوال: `مزار پر حاضری کا طریقہ کیا ہے؟ اور مزار کو بوسہ دینا اور سجدہ کرنا کیسا؟`

سائل : سید مشرف ہزار کھولی مالیگاؤں

الجواب اللھم ھدایۃ الحق والصواب

*اعلیٰ حضرت امام احمد رضا خان عَـلَيْهِ رَحْمَة مزارات پر حاضری کی تفصیل یوں ارشاد فرماتے ہیں ۔ مزارات شریفہ پر حاضر ہونے میں پائنتی کی طرف سے جائے اور کم از کم چار ہاتھ کے فاصلہ پر مُواجہہ میں کھڑا ہو اور متوسّط آواز باادب سلام عرض کرے: اَلسَّلاَمُ عَلَیْکَ یَا سَیّدِی وَرَحْمَۃُ اللّٰہِ وَبَرَکَاتُہٗ پھر درودِ غوثیہ تین بار، الحمد شریف ایک بار ، آیۃُ الکرسی ایک بار ، سورۂ اخلاص سات بار ، پھر درودِ غوثیہ سات بار اور وقت فرصت دے تو سورۂ یٰسین اور سورۂ ملک بھی پڑھ کر اللّٰہ عَزَّوَجَلَّ سے دعا کرے کہ الٰہی عَزَّ وَجَلَّ! اس قراءت پر مجھے اتنا ثواب دے جو تیرے کرم کے قابل ہے نہ اُتنا جو میرے عمل کے قابل ہے اور اُسے میری طرف سے اس بندۂ خدا مقبول کو نذر پہنچا پھر اپنا جو مطلب جائز شرعی ہو اُس کے لئے دعا کرے اور صاحبِ مزار کی روح کو اللّٰہ عَزَّوَجَلَّ کی بارگاہ میں اپنا وسیلہ قرار دے ، پھر اُسی طرح سلام کرکے واپس آئے، مزار کو نہ ہاتھ لگائے نہ بوسہ دے اور طواف بالاتفاق ناجائز ہے اور سجدہ حرام ۔*

(فتاوی رضویہ ج 9 ص 522)

*وَاللہُ اَعْلَمُ وَ رَسُوْلُہٗ اَعْلَم عَزَّوَجَلَّ وَ صَلَّی اللّٰہُ تَعَالی علیہ وسلم*

کتبــــــہ : مفتی محمدرضا مرکزی

خادم التدریس والافتا

الجامعۃ القادریہ نجم العلوم مالیگاؤں

کیا فرماتے ہیں علمائے کرام اس مسئلہ کے بارے میں کہ تدفین سے قبل جو دعا مانگی جاتیہے اس کا حکم ؟

کیا فرماتے ہیں علمائے کرام اس مسئلہ کے بارے میں کہ تدفین سے قبل جو دعا مانگی جاتی

ہے اس کا حکم ؟

الجواب بعون الملك الوهاب

تدفین سے قبل میت کے لئے فاتحہ خوانی و ایصالِ ثواب کرنا بالکل درست اور جائز ہے ۔ فتاوی رضویہ شریف میں "کشف الغطاء " کے حوالے سے ہے : ” فاتحہ و دعا برائے میت پیش از دفن درست است و همین است روایت معموله کذافی الخلاصۃ الفقہ “ ترجمہ : میت کے لئے دفن سے پہلے فاتحہ و دعا درست ہے اور یہی روایت معمول بہا ہے۔ ایسا ہی خلاصۃ الفقہ میں ہے۔ (فتاوی رضویه، جلد 9 صفحه 255، رضا فاؤنڈیشن، لاہور)

والله اعلم عز وجل ورسوله اعلم صلى الله تعالى عليه و آله و سلم

كتبه

محمد عمران علی نعمانی رضوی

9773617995

30ربیع الاول 1446ھجری

کیا فرماتے ہیں علمائے کرام اس مسئلہ کے بارے میں کہ تکبیر تحریمہ کہہ کر ہاتھ نیچے چھوڑ کر پھر باندھنا کیسا ؟

کیا فرماتے ہیں علمائے کرام اس مسئلہ کے بارے میں کہ تکبیر تحریمہ کہہ کر ہاتھ نیچے چھوڑ کر پھر باندھنا کیسا ؟

الجواب بعون الملك الوهاب

تکبیر تحریمہ کہنے کے بعد ہاتھ نیچے لٹکانے نہیں چاہئیں، بلکہ فوراً باندھ لیے جائیں۔ بہار شریعت میں ہے: ” بعد تکبیر فوراً ہاتھ باندھ لینا یوں کہ مرد ناف کے نیچے رہنے ہاتھ کی ہتھیلی بائیں کلائی کے جوڑ پر رکھے ، چھنگلیا اور انگوٹھا کلائی کے اغل بغل رکھے اور باقی انگلیوں کو بائیں کلائی کی پشت پر بچھائے اور عورت و خنثی بائیں پھیلی سینہ پر چھاتی کے نیچے رکھ کر اس کی پشت پر دہنی ہتھیلی رکھے۔ بعض لوگ تکبیر کے بعد ہاتھ سیدھے لٹکا لیتے ہیں پھر باندھتے ہیں یہ نہ چاہیے بلکہ ناف کے نیچے لا کر باندھ لے۔“

 (بہار شریعت، حصہ سوم، صفحہ 526، دعوت اسلامی ایپ)

والله اعلم عز وجل ورسوله اعلم صلى الله تعالى عليه و آله وسلم

کتبہ

محمد عمران علی نعمانی رضوی

30ربیع الاول 1446ھجری

کیا جاہل وہابی ودیوبندی سنی ہیں؟

مبسملا وحامدا ومصلیا ومسلما 

کیا جاہل وہابی ودیوبندی سنی ہیں؟

(1)بعض لوگ سمجھتے ہیں کہ جاہل وہابی اور دیوبندی سنی ہیں،حالاں کہ جاہل وہابی ودیوبندی بھی خود کو وہابی ودیوبندی کہتے ہیں۔اس اقرار کے سبب وہ سنیت سے خارج ہیں،نیز جاہل وہابی ودیوبندی بھی وہابیہ ودیابنہ کی پیروی میں معمولات اہل سنت یعنی فاتحہ ونیاز وغیرہ کا انکار کرتے ہیں۔

چوں کہ معمولات اہل سنت وجماعت کا انکار وہابیہ ودیابنہ کا شعار ہے اور بدمذہب جماعت کی پیروی میں بدمذہب جماعت کے شعار کو اختیار کرنا ضلالت وگمرہی ہے،پس جاہل اور لاعلم  وہابیہ اور دیابنہ بھی سنیت سے خارج اور گمراہ قرار پائے۔

(2)اگر جاہل وہابیہ اور دیابنہ معمولات اہل سنت وجماعت کو شرک کہتے ہیں تو وہ کافر فقہی قرار پائے،کیوں کہ معمولات اہل سنت وجماعت کو شرک کہنے سے ان کے قول سے سنیوں کا مشرک ہونا ثابت ہوتا ہے اور مومن کو کافر ومشرک کہنا کفر ہے۔

عام طور پر جاہل وعالم ہر قسم کے وہابیہ ودیابنہ معمولات اہل سنت وجماعت کو شرک وبدعت کہتے پھرتے ہیں۔یہی ان کی اصطلاح ہے،پس ایسے لوگوں پر کفر فقہی کا حکم نافذ ہو گا۔

(3)ایسے مسائل میں جاہل وعالم اور خواص و عوام کی تفریق نہیں ہے،بلکہ جو عالم وجاہل فرقہ دیوبندیہ کے عناصر اربعہ کے کفریات کلامیہ پر مطلع ہے اور ان پر نافذ شدہ کفر کلامی کے حکم پر مطلع ہے،ایسا شخص ان افراد اربعہ کو مومن مانے تو وہ کافر کلامی ہے۔خواہ وہ عالم ہو یا جاہل۔

(4)فرقہ دیوبندیہ اور فرقہ وہابیہ کے افراد و اشخاص یا تو کافر کلامی ہیں یا کافر فقہی ہیں۔ان میں گمراہ محض کا وجود بہت مشکل اور نادر الوقوع ہے۔

(6)گمراہ محض وہ دیوبندی اور وہ وہابی ہو گا جو اپنی جماعت اور دیگر جماعتوں کے کفار کلامی وکفار فقہی کو کافر کلامی وکافر فقہی مانے اور اپنی جماعت ودیگر جماعتوں کے کفریات کلامیہ وکفریات فقہیہ کو کفر کلامی وکفر فقہی مانے اور ان کفریات سے اپنی برائت ظاہر کرے۔ ایسا شخص گمراہ محض ہے،لیکن ایسے دیوبندی یا وہابی کا وجود نظر نہیں آتا ہے:واللہ تعالیٰ اعلم باالصواب 

گمراہ محض بھی سنیت سے خارج ہے اور اس کے ساتھ نشست و برخاست،خورد ونوش ،شادی بیاہ اور اس کی اقتدا میں نماز ودیگر امور ناجائز وحرام ہیں۔

(7)مذکورہ امور کی تفصیل ہمارے رسالہ:"فرقہ وہابیہ:اقسام واحکام"میں مرقوم ہیں۔در اصل مذکورہ رسالے میں امام اہل سنت قدس سرہ العزیز کے ایک رسالے کی تشریح وتوضیح ہے۔

غلط بیانی کرنے والوں کی پیروی نہ کریں۔ان شاء اللہ تعالی رفتہ رفتہ غلط بیانیاں ملیامیٹ ہو جائے گی۔

طارق انور مصباحی 

جاری کردہ:26:ستمبر 2024

وہابی کی مسجد میں پانچ وقت کی نماز بغیر ان کی اقتداء کے پڑھ سکتے ہیں یا نہیں

السلام علیکم ورحمۃ اللہ وبرکاتہ 

کیا فرماتے ہیں علمائے کرام و مفتیان عظام اس مسئلہ کے بارے میں کہ وہابی کی مسجد میں پانچ وقت کی نماز بغیر ان کی اقتداء کے پڑھ سکتے ہیں یا نہیں 

 مدلل جواب عنایت فرمائیں کرم نوازی ہوگی

 المستفتی محمد شاہد رضا ضلع بہرائچ شریف یوپی 

 

جواب

الجواب بعون الملك الوھاب اللھم ھدایۃ الحق والصواب 

وعليكم السلام ورحمۃ اللہ وبرکاتہ

 دیوبندی، وہابی، رافضی، قادیانی، اہل حدیث وغیرھم اپنے عقائد کفریہ، ضلالیہ کی بنا پر کافر و مرتد ہیں، ان کی بنائی ہوئی مسجد مسجد نہیں

ارشاد باری تعالیٰ ہے: مَا كَانَ لِلْمُشْرِكِیْنَ اَنْ یَّعْمُرُوْا مَسٰجِدَ اللّٰهِ مشرکوں کو کوئی حق نہیں کہ وہ اللہ کی مسجدوں کو آباد کریں

(سورہ توبہ آیت نمبر ١٧)

 اور دوسرے مقام پر فرماتا ہے

اِنَّمَا یَعْمُرُ مَسٰجِدَ اللّٰهِ مَنْ اٰمَنَ بِاللّٰهِ وَ الْیَوْمِ الْاٰخِرِ وَ اَقَامَ الصَّلٰوةَ وَ اٰتَى الزَّكٰوةَ وَ لَمْ یَخْشَ اِلَّا الله 

اللہ کی مسجدوں کو وہی آباد کرتے ہیں جو اللہ اور قیامت کے دن پر ایمان لاتے ہیں اور نماز قائم کرتے ہیں اور زکوٰۃ دیتے ہیں اور اللہ کے سوا کسی سے نہیں ڈرتے 

 (سورہ توبہ آیت ١٨) 

 امام اہلسنت اعلی حضرت علیہ الرحمہ سے سوال ہوا :وہابیوں کی بنوائی ہوئی مسجد مسجد ہے یا نہیں؟

تو آپ نے جوابا ارشاد فرمایا:کفار کی مسجد مثل گھر کے ہے 

 ملفوظات اعلیٰ حضرت ح ١ ص ١٦٧ مطبوعہ :مکتبۃ المدینہ

 صدر الشریعہ علیہ الرحمہ فرماتے ہیں :وہ گمراہ فرقے جن کی گمراہی حد کفر تک پہنچ چکی ہو جیسے : قادیانی ، دیوبندی ، وہابی ، روافض زمانہ ان کی بنائی ہوئی مسجد، مسجد نہیں

 (فتاویٰ امجدیہ ج ١ ص ٢٥٦) 

 مذکورہ دلائل سے واضح ہوا کہ وہابیہ کی مساجد مثل گھر کے ہیں ان میں نماز پڑھنے سے مسجد کا ثواب نہیں ملے گا لیکن تنہا نماز پڑھنے سے نماز ہو جائے گی.

حدیث شریف میں ہے۔

“الارض کلھا مسجد” یعنی: رسول کریم صلی اللہ تعالی علیہ وسلم نے فرمایا کہ تمام روئے زمین مسجد ہے 

(مشکوة شريف صفحہ نمبر 71 ) 

 

واللہ ورسولہ اعلم بالصواب 

محمد اشفاق عطاری

متعلم :جامعۃ المدینہ نیپال گنج نیپال

ناپاک فوم پاک کرنے کا طریقہ

ناپاک فوم پاک کرنے کا طریقہ 

مجیب: مولانا کفیل مدنی

فتوی نمبر:Web-305

تاریخ اجراء: 03ذیقعدۃالحرام1443 ھ/03جون 2022ء

دارالافتاء اہلسنت

(دعوت اسلامی)

سوال

   بچہ اگر بیڈ کے فوم پر پیشاب کردے ،تو اسے پاک کیسے کیا جائے؟

بِسْمِ اللہِ الرَّحْمٰنِ الرَّحِیْمِ

اَلْجَوَابُ بِعَوْنِ الْمَلِکِ الْوَھَّابِ اَللّٰھُمَّ ھِدَایَۃَ الْحَقِّ وَالصَّوَابِ

   بچہ اگر فوم پر پیشاب کر دے توفوم پاک کرنے کا ایک طریقہ یہ ہے کہ تین مرتبہ دھوئیں اور ہر مرتبہ اتنی دیر کےلیے چھوڑدیں کہ قطرے ٹپکنا بند ہوجائیں، تیسری مرتبہ دھونے کے بعد جب قطرے ٹپکنا بند  ہوجائیں تو فوم پاک ہوجائےگا۔ ان چیزوں کا دھوتے وقت نچوڑنا اور دوسری یا تیسری مرتبہ دھونے سے پہلے خشک ہونا ضروری نہیں۔ اور  دوسرا طریقہ یہ ہے کہ بہتے پانی میں فوم کو چھوڑ دیں ،جب نجاست زائل ہونے کایقین ہو جائے  تو فوم پاک ہو جائے گا ۔یہ یادرہےکہ صرف چھینٹے یا گیلا کپڑا مار دینے سے فوم پاک نہ ہو گا۔

   البتہ نجاست کے خشک ہو جانے کے بعد اگر اس پر کوئی پاک کپڑا یا بیڈ شیٹ وغیرہ بچھا دی جائے ،تو اس کپڑے پر بیٹھ کر تلاوت و اذکار وغیرہ کر سکتے ہیں،اس صورت میں اگرچہ فوم ناپاک ہی ہوگا، مگر جب اس کی اوپری سطح پر کوئی پاک چیز بچھادی، تو اس پر بیٹھ کر تلاوت یا ذکر و اذکار کرنے میں حرج نہ ہوگا۔

وَاللہُ اَعْلَمُ عَزَّوَجَلَّ وَرَسُوْلُہ اَعْلَم صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم

❶ بے نمازی، داڑھی منڈا، فاسق و فاجر کو حضرت، حضور کہنا کیسا ؟ 👇 ❷ فاسقِ معلن کو امام بنانا کیسا ہے ؟ 👇 ❸ فاسقِ معلن کو سلام کرنا کیسا ہے ؟

❶ بے نمازی، داڑھی منڈا، فاسق و فاجر کو حضرت، حضور کہنا کیسا ؟ 👇 

❷ فاسقِ معلن کو امام بنانا کیسا ہے ؟  👇 

❸ فاسقِ معلن کو سلام کرنا کیسا ہے ؟  👇 

سوال: 

کیا فرماتےہیں علمائے دین و مفتیان شرعِ متین مسئلۂ ذیل میں کہ آج کل لوگوں نے یہ عادت بنالی ہے کہ کسی کو بھی حضرت حضور کہہ دیتےہیں، یہ بھی نہیں دیکھتے کہ عالم ہے یا جاہل، نیک صالح ہے یا فاسق و فاجر، بےنمازی، داڑھی منڈا ، اس کے متعلق حکمِ شرع بیان فرمائیں ۔ بینوا توجروا

الجواب بعونِ الملک الوھاب: 

حضرت، حضور، حضورِ والا، قبلہ یہ سب الفاظ کلماتِ تعظیم میں سے ہیں، یہ الفاظ باعتبار مراتب انہیں کےلیے بولنا جائز ہے جو لائقِ تعظیم ہوں، بے نمازی، داڑھی منڈا یا ایک مشت سے کم رکھنے والا، فاسق و فاجر و کافر مرتد کےلیے ان کلمات کا استعمال جائز نہیں، فاسق کی توہین شرعا واجب ہے، اور اس طرح کے تعظیم و تکریم والے الفاظ کافر کی تعظیم کےلیے بولنا کفر ہے ۔

فاسق کی اہانت واجب ہے اسی لیے اسے امام بنانا جائز نہیں ۔ 

فتاویٰ رضویہ شریف میں بحوالۂ ردُّ المحتار ہے: 👇 

'' ان فی تقدیمیہ للامامۃ تعظیمہ وقد وجب علینا اھتانتہ ''

فقہائے کِرام فرماتے ہیں کہ فاسق کوامام بنانے میں فاسق کی تعظیم ہوتی ہے حالانکہ ہم پراس کی اہانت لازم ہے ۔ 

فتاویٰ رضویہ شریف مترجم، ہفتم ، ص 125 ✅

اسی فتاویٰ رضویہ شریف میں بحوالۂ مراقی الفلاح وفتح اللہ المعین وطحطاوی علی الدرالمختار ہے: 

'' قد وجب علیہم اھانتہ شرعا '' 

یعنی از روئے شرع فاسق کی توہین ضروری ہوتی ہے۔

فتاویٰ رضویہ شریف مترجم،22 ، ص 212✅

اسی فتاویٰ رضویہ شریف میں بحوالۂ تبیین الحقائق ہے: 

'' لان فی تقدیمہ تعظیمہ وقد وجب علیھم اھانتہ شرعًا ''

اس لئے کہ اس کو آگے کرنے میں اس کی تعظیم ہے حالانکہ شریعت میں لوگوں پر اس کی توہین واجب ہے ۔ 

فتاویٰ رضویہ شریف مترجم،24 ، ص 363✅

اسی میں ہے: 👇 

فاسق کی مدح شرعاً حرام ہے،حدیث میں رسول ﷲ صلی ﷲ تعالٰی  علیہ وسلم فرماتے ہیں:

''اذا مدح الفاسق غضب الرب واھتزلہ العرش ''

 رواہ ابن ابی الدنیا فی ذم الغیبۃ وابویعلی فی مسندہ و البیھقی فی شعب الایمان عن انس بن مالک وابن عدی فی الکامل عن ابی ھریرۃ رضی اﷲتعالٰی عنہما۔

جب فاسق کی مدح کی جاتی ہے رب عزوجل غضب فرماتا ہے اور اس کے سبب عرشِ الہٰی  ہل جاتا ہے، 

 اسے امام ابن ابی الدنیا نے ذم الغیبۃ، ابویعلی نے مسند اور بیہقی نے شعب الایمان میں حضرت انس بن مالک رضی ﷲ تعالٰی  عنہ سے اور ابن عدی نے الکامل میں حضرت ابوہریرہ رضی اﷲتعالٰی  عنہ سے روایت کیا ہے۔

فتاویٰ رضویہ شریف مترجم، 8 ، ص 424 ✅

فتاویٰ رضویہ شریف مترجم، 8 ، ص 568 ✅

اسی میں ہے: 👇

 

'' لاتقولو اللمنافق یا سید! فانہ ان یکن سید کم فقد اسخطتم ربکم عزوجل ''

منافق کو اے سردار!  نہ کہو بیشک اگر وہ تمہارا سردار ہے، تو تم نے اپنے رب عزوجل کا غضب لیا۔

فتاویٰ رضویہ شریف مترجم، 9 ، ص 409 ✅

حضور تاج الشریعہ علیہ الرحمہ  (متوفیٰ 1439 ھ) اسی طرح کا ایک سوال (حضرت کہنے سے متعلق) کا جواب دیتے ہوئےفرماتےہیں: 👇

اگر وہ شخص شرعا مستحقِ تعظیم وتکریم تھا تو اسے (حضرت) کہنا جائز ہے، مستحقِ تعظیم کی تعظیم ہی چاہئے،  اور اگر وہ شخص فاسق یا کافر تھا تو اسے ایسا (حضرت)کہنا جائز نہ تھا بلکہ کافر کو بہ نیتِ تعظیم کوئی لفظ تعظیمی کہنا کفر ہے۔ 

فتاویٰ تاج الشریعہ، دہم ، ص 242 ✅ 

💚 فاسق کی اہانت واجب ہے، 

جس طرح اسے امام بنانا جائز نہیں یوں ہی فاسقِ معلن کو بلا مصلحتِ شرعیہ سلام کرنا بھی جائز نہیں، کیوں کہ سلام تعظیم ہے ۔

فتاویٰ رضویہ شریف میں بحوالۂ درِّ مختار ہے: 👇 

'' یکرہ السلام علی الفاسق لومعلنا ''

 فاسق کوسلام کرنا مکروہ ہے بشرطیکہ وہ اعلانیہ فسق کرتا ہو ۔ 

فتاویٰ رضویہ شریف مترجم،11، ص 420 ✅ 

اسی میں ہے: 👇 

بدمذہب کو سلام کرنا حرام ہے۔ فاسق کو سلام کرنا ناجائزہے۔

فتاویٰ رضویہ شریف مترجم،22 ، ص 378 ✅

شہزادۂ اعلیٰ حضرت،  تاجدارِ اہلِ سنت، حضور مفتیِ اعظمِ ہند رضی اللہ تعالیٰ عنہ (متوفیٰ 1402 ھ) فرماتےہیں: 👇 

'' معلن فاسق جو کسی کبیرہ کا مرتکب یا صغیرہ پر مصر ہو اس سے ابتدا بسلام نہ کی جائے مگر جب کہ اس سے ضرر کا اندیشہ ہو ۔ 

فتاویٰ مفتیِ اعظم، پنجم، ص 120 ✅ 

اور فرماتےہیں: 👇 

'' فاسقِ معلن سے ابتدا بالسلام مکروہ ہے ۔ 

فتاویٰ مفتیِ اعظم، پنجم، ص 168 ✅ 

حضور تاج الشریعہ علیہ الرحمہ  (متوفیٰ 1439 ھ) فرماتےہیں: 👇

'' فاسق کو سلام کرنا مکروہِ تحریمی ہے اور ان کی تعظیم و تکریم بھی شرعا ناجائز ہے ۔ 

فتاویٰ تاج الشریعہ، دوم، ص 536✅ 

اور فرماتےہیں: 👇 

سلام تعظیم ہے، تو کسی فاسقِ معلن کو سلام جائز نہیں کہ شرعا اس کی تعظیم منع ہے ۔ 

فتاویٰ تاج الشریعہ، دوم، ص 603 ✅

والله تعالیٰ اعلم بالصواب

کتبہ: محمد عمار رضا قادری رضوی  

۲۲ شوال المکرم ۱۴۴۵ ھ ،  بروز پنجشنبہ 💚

نمازوں اور روزوں کا فدیہ کیسے ادا کریں

فتوی نمبر:19656

السلام علیکم ورحمۃ اللہ وبرکاتہ

شاہ صاحب عرض یہ کرنی تھی کہ ایک اسلامی بھائی جس کے پاس تقریبا 40 سے 50 ہزار اماؤنٹ ہے اوروہ اپنے والد صاحب کے لیے نمازوں اور روزوں کا فدیہ انہی پیسوں میں دینا چاہتا ہے تو اس کے لیے کیا ترکیب استعمال کی جائے گی کہ پیسے بھی اتنے اور روزے و نمازوں کا فدیہ بھی ہو جائے کیا ایسا کوئی طریقہ ہے ارشاد فرما دیجیے اللہ پاک اپ کو جزائے خیر عطا فرمائے امین

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

وعلیکم السلام ورحمة الله وبركاته

وہ اپنےوالد صاحب کے وقت بلوغت سے وقت وفات تک کی نمازوں کا حساب لگائیں اوراگر وقت بلوغت معلوم نہ ہو تو ان کی عمرسے بارہ برس کم کریں اورباقی تمام ان کی زندگی کی نمازوں و روزوں کاحساب کرکے ہرفرض و وتر(وترکو بقیہ سےالگ شمارکرنا ہے)اورروزہ کےبدلہ ایک ایک صدقہ فطر مسکین/ شرعی فقیرپرتصدق کرکےاس کے قبضہ میں دیں اور مسکین اپنی طرف سےاسےواپس ہبہ کردےاوریہ قبضہ بھی کرلے پھريہ مسکین کو دے،يوہيں لوٹ پھیرکرتے رہیں یہاں تک کہ سب نمازوں و روزوں کا فدیہ ادا ہو جائے۔

اسی طرح کے ایک سوال کے جواب میں اعلی حضرت امام احمد رضا خان علیہ رحمۃ الرحمن فرماتے ہیں:اگروقتِ بلوغ معلوم نہ ہو تو مرد کے لئے اس عمرسے بارہ برس اور عورت کے لئے 9برس کم کریں،اورباقی تمام برسوں کے دن کرکےہردن کی نمازکےلئےآٹھ سو دس تولےگیہوں کہ سو روپے بھرکے سیرسےکچھ کم نوسیرہوئےیا سولہ سو بیس تولہ جو یاان کی قیمت ادا کریں کل کے ادا کی طاقت نہ ہو توجس قدرپرقدرت ہو محتاج کو دے کر قابض کردیں،محتاج اپنی طرف سے پھران کو ہبہ کردے یہ قبضہ کرکے پھرکفارہ میں محتاج کودیں وہ بعد قبضہ پھران کو ہبہ کردے،یہ پھرقبضہ کرکے کفارہ میں دیں یونہی دورکرتے رہیں یہاں تک کہ اداہوجائے۔(فتاوی رضویہ،جلد 08،صفحہ 154،مطبوعہ رضا فاؤنڈیشن،لاہور)

واللہ اعلم بالصواب

(یہ فتویٰ مکمل یعنی پورے کا پورا مع لنکس شئیرکرسکتے ہیں،آدھا کاٹ کر،آدھا کاپی کرکے،مختصر کر کے،اپنے نام کے ساتھ شئیرکرنے کی ہرگز ہرگز اجازت نہیں)

اپنے سوالات لکھ کر(آڈیو وائس میسج میں نہیں،آڈیو وائس میسج بغیرسنے ہی ڈلیٹ کر دیے جاتے ہیں)اس نمبرپروٹس اپ کریں۔مصروفیت کی وجہ سے آپ کے سوال کا جواب تقریبا 12 گھنٹوں سے 24 گھنٹوں کے اندردینےکی کوشش کی جائے گی۔

http://wa.me/+923169168614

Whats App Num

+923169168614

فیس بک اکاؤنٹ لنک

https://www.facebook.com/SyedKamran786

وٹس اپ گروپ لنک

https://chat.whatsapp.com/E0CNImQY4HrFjJHp11wIkg

وٹس اپ چینل لنک

https://whatsapp.com/channel/0029Va88jvD8kyyNPQOHay31

ٹیلی گرام گروپ لنک:

https://t.me/FiqhiMasail2526

امام کا جماعت کے ساتھ دعا میں آیت کریمہ پڑھنا کیوں منع ہے

سوال نمبر:19190

السلام علیکم ورحمتہ اللہ وبرکاتہ

کیا فرماتے ہیں مفتیان عظام اس مسٔلہ کے بارے میں 

امام کا جماعت کے ساتھ دعا میں آیت کریمہ پڑھنا کیوں منع ہے، اس کی وجہ کیا ہے ؟

جواب عنایت فرمائیں نوازش ہوگی

سائل ، واحد جمال قادری یو پی ۔۔۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

وعلیکم السلام ورحمة الله وبركاته

 آیت کریمہ کے آخر میں اني كنت من الظالمين کے الفاظ ہیں جس کا معنی ہے "بے شک میں ظالموں میں سے ہوں"

اجتماعی دعا میں عموماً مقتدی حضرات آمین کہتے ہیں،اورآمین کا ایک معنی یہ ہے کہ "مالک! ایسا ہی کر دے"

اس اعتبار سے منع کیا جاتا ہے۔

واللہ اعلم بالصواب

(یہ فتویٰ مکمل یعنی پورے کا پورا مع لنکس شئیرکرسکتے ہیں،آدھا کاٹ کر،آدھا کاپی کرکے،یا آدھا سکرین شاٹ لے کر،شئیرکرنے کی اجازت نہیں)

اپنے سوالات لکھ کر(آڈیو وائس میسج میں نہیں،آڈیو وائس میسج بغیرسنے ہی ڈلیٹ کر دیے جاتے ہیں)اس نمبرپروٹس اپ کریں۔مصروفیت کی وجہ سے آپ کے سوال کا جواب تقریبا 12 گھنٹوں سے 24 گھنٹوں کے اندردینےکی کوشش کی جائے گی۔

http://wa.me/+923169168614

Whats App Num

+923169168614

فیس بک اکاؤنٹ لنک

https://www.facebook.com/SyedKamran786

وٹس اپ گروپ لنک

https://chat.whatsapp.com/HjhutGtP9Q084HkNB8gUHA

وٹس اپ چینل لنک

https://whatsapp.com/channel/0029Va88jvD8kyyNPQOHay31

ٹیلی گرام گروپ لنک:

https://t.me/FiqhiMasail2526

ہمارے گاؤں میں مولانا نہیں ہے اور ہمیں فاتحہ کرنا ہے تو کیا ہم موبائیل فون کے مدد سے فاتحہ کرسکتے ہیں؟

سوال نمبر:19186

اسلام علیکم ورحمۃ اللہ

ہمارے گاؤں میں مولانا نہیں ہے اور ہمیں فاتحہ کرنا ہے تو کیا ہم موبائیل فون کے مدد سے فاتحہ کرسکتے ہیں؟

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

وعلیکم السلام ورحمة الله وبركاته

جی ہاں،موبائل فون کے ذریعہ بھی ختم شریف یا فاتحہ کروائی جا سکتی ہے۔

واللہ اعلم بالصواب

(یہ فتویٰ مکمل یعنی پورے کا پورا مع لنکس شئیرکرسکتے ہیں،آدھا کاٹ کر،آدھا کاپی کرکے،یا آدھا سکرین شاٹ لے کر،شئیرکرنے کی اجازت نہیں)

اپنے سوالات لکھ کر(آڈیو وائس میسج میں نہیں،آڈیو وائس میسج بغیرسنے ہی ڈلیٹ کر دیے جاتے ہیں)اس نمبرپروٹس اپ کریں۔مصروفیت کی وجہ سے آپ کے سوال کا جواب تقریبا 12 گھنٹوں سے 24 گھنٹوں کے اندردینےکی کوشش کی جائے گی۔

http://wa.me/+923169168614

Whats App Num

+923169168614

فیس بک اکاؤنٹ لنک

https://www.facebook.com/SyedKamran786

وٹس اپ گروپ لنک

https://chat.whatsapp.com/HjhutGtP9Q084HkNB8gUHA

وٹس اپ چینل لنک

https://whatsapp.com/channel/0029Va88jvD8kyyNPQOHay31

ٹیلی گرام گروپ لنک:

https://t.me/FiqhiMasail2526

✍️کیا ایک ہی شب دو جگہ تراویح کی امامت درست ہے؟✍️

✍️کیا ایک ہی شب دو جگہ تراویح کی امامت درست ہے؟✍️

✒️✒️✒️✒️✒️✒️✒️✒️✒️✒️✒️

السلام علیکم و رحمۃ اللّه

 کیا فرماتے ہیں علمائے دین اور مفتیان شرع متین اس مسںٔلہ میں کہ زید ایک مسجد کا امام ہے وہ اپنی مسجد میں تراویح پڑھانے کے بعد اسی دن محلے کے کسی فلیٹ میں صرف تراویح پڑھا سکتا ہے یا نہیں؟ جبکہ دونوں جگہ مکمل قرآن کا ارادہ ہو۔ برائے مہربانی رہنمائی فرمائیں۔

محمد احمد رضا صدیقی کولکاتہ۔

✒️✒️✒️✒️✒️✒️✒️✒️✒️✒️✒️

➖➖➖➖ *الجواب* ➖➖➖➖

وعلیکم السلام ورحمۃ اللہ وبرکاتہ۔

ایک شخص مکمل تراویح کی امامت ایک ہی رات دو مسجدوں (دو جگہوں) میں نہیں کر سکتا کہ صحیح مذہب پر یہ جاںٔز نہیں۔ 

فتاویٰ عالمگیری میں ہے!

*الامام یصلی التراویح فی مسجدین کل مسجد علی وجه الكمال لا يجوز کذا فی محیط السرخسی والفتوی علی ذالک کذا فی المضمرات*-

*ترجمہ*- ایک امام دو مسجدوں میں مکمل طور پر(پوری) تراویح پڑھاۓ یہ جاںٔز نہیں۔ ایسا ہی محیط سرخسی میں ہے، اور اسی پر فتویٰ ہے، ایسا ہی مضمرات میں ہے۔

((📙فتاویٰ عالمگیری ج ١ ص ١١٦))

اور جوہرہ نیرہ میں ہے!

*لو صلی امام التراویح فی مسجدین فی کل مسجد علی وجه الكمال قال ابو بكر الاسكاف لا يجوز و قال ابو نصر يجوز لأهل المسجدين و اختار ابوالليث قول الاسكاف و هو الصحيح*-

*ترجمہ*- اگر کوئی امام دو مسجدوں میں مکمل طور پر(پوری) تراویح پڑھاۓ تو شیخ ابو بکر اسکاف نے فرمایا یہ جاںٔز نہیں، اور شیخ ابو نصر نے فرمایا دونوں مسجد والوں کے لئے جاںٔز ہے، شیخ ابواللیث نے اسکاف کے قول کو اختیار کیا اور یہی صحیح ہے۔

(📙جوہرہ نیرہ ج ١ ص ١١٨))

نیز فتاوی ہندیہ میں یہ بھی مرقوم ہے!

*لو صلی التراویح مقتدیا بمن یصلی مکتوبة أو وترا و نافلة الاصح أنه لا يصح الاقتداء به لانه مكروه و مخالف لعمل السلف*-

*ترجمہ*- اگر کسی نے نماز تراویح ایسے شخص کی اقتدا میں ادا کی جو فرض یا وتر یا نفل پڑھا رہا تھا تو یہ اقتدا درست نہیں کیونکہ یہ مکروہ اور طریقۂ اسلاف کے مخالف ہے۔

((📙فتاویٰ عالمگیری ج ١ ص ١١٧))

اور مجدد دین و ملت حضور سرکار اعلی حضرت علیہ الرحمۃ والرضوان تحریر فرماتے ہیں کہ!

*اگر بالفرض کوئی شخص آج اپنی تراویح پڑھ کر آج ہی رات اور لوگوں کی امامت تراویح میں کرے اور قرآن عظیم سناۓ تو یہ نہیں کہہ سکتے کہ اس قرآن سننے کا ثواب نہ ہو گا۔ روایت مختارہ امام قاضی خان پر تو ظاہر ہے کہ وہ متنفل محض کے پیچھے تراویح کی اقتدا بلا کراہت جائز مانتے ہیں ، صرف امام کے حق میں کراہت کہتے ہیں اگر نیت امامت کرے ورنہ اس پر بھی کراہت نہیں ۔۔۔۔۔۔۔۔۔۔۔۔۔۔۔۔۔۔۔۔۔ اور روایت مختارہ امام شمس الائمہ سرخسی پر اگرچہ یہ ناجائز ہے اور ان لوگوں کی تراویح نہ ہوں گی ،،لان التراویح سنة مستقلة شرعت بوجه مخصوص فلا تتأدى إلا به،، یعنی کیونکہ نماز تراویح مستقل سنت ہے جو وجہ مخصوص پر مشروع ہے تو یہ اسی وجہ مخصوص کے ساتھ ہی اد ہو گی اور یہی اصح ہے اھ ملخصا*-

((📙فتاویٰ رضویہ مترجم ج ١٠ ص ٦٠٦))

واللہ تعالٰی اعلم بالصواب۔

✒️✒️✒️✒️✒️✒️✒️✒️✒️✒️✒️

کتبہ۔ رضوان احمد مصباحی رامگڑھ

📱9576545941=

منجانب ـ رضوی دارالافتاء۔و تربیت افتاء کورس۔

ناف کے نیچے ہاتھ باندھنا کیسا ہے

سوال نمبر:19177

السلام علیکم ورحمۃاللہ وبرکاتہ

عرض یہ ہے کہ ناف کے نیچے ہاتھ باندھنا احادیث مبارکہ سے ثابت ہے یا پھر یہ حکم فقھاء کرام کا ہے؟؟

اگر احادیث سے ثابت ہو تو حضور حوالہ بھی ارشاد فرما دیجیے گا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

وعلیکم السلام ورحمة الله وبركاته

مرد کے لیے نمازمیں قیام کی حالت میں ہاتھ ناف کے نیچے باندھنا سنت ہے،اس طرح کہ دائیں ہاتھ کی ہتھیلی بائیں ہاتھ کے جوڑ پرہو اورانگوٹھا اورچھنگلیا کلائی کے دائیں،بائیں اورباقی انگلیاں کلائی کی پشت پربچھی ہوئی ہوں۔

ناف کے نیچے ہاتھ باندھنا حدیث سے ثابت ہے،چنانچہ مصنف ابن ابی شیبہ کی حدیث پاک میں ہے:"حدثنا وكيع،عن موسى بن عمير،عن علقمة بن وائل بن حجر،عن أبيه قال:«رأيت النبي صلى الله عليه وسلم وضع يمينه على شماله في الصلاة (تحت السرة)»"

ترجمہ:میں نے دورانِِ نمازنبی اکرم صلی اللہ علیہ وسلم کو دائیں ہاتھ کو بائیں ہاتھ پرناف کے نیچے باندھے دیکھا ہے۔(مصنف ابن أبي شيبة،جلد 1،صفحہ 343)

نوٹ:اس حدیث والے مصنف ابن ابی شیبہ کے موجودہ نسخوں میں تحت السرۃ کے الفاظ نہیں ہیں،لیکن پہلے کے نسخوں میں یہ موجود تھے،جسے امام علامہ قاسم بن قطلو بغاحنفی رحمہ اللہ تعالی اختیار شرح مختار کی احادیث کی تخریج کرتے ہوئے نقل کیا،اورکچھ عرصہ قبل شیخ عوامہ کی تحقیق کے ساتھ دار القلبۃ الاسلامیہ علوم القرآن سے شائع ہوا،جس میں شیخ عوامہ نے جلد 03 صفحہ 320 میں اس نسخہ کی نشاندہی کی،اس کی تفصیل دلائل احناف اور"الدرۃ فی عقد الایدی تحت السرۃ"میں دیکھیں۔

دوسری حدیث سنن ابی داؤد وغیرہ کتب احادیث میں ہے:‏‏‏‏‏‏عَنْ أَبِي جُحَيْفَةَ،‏‏‏‏‏‏أَنَّ عَلِيًّا رَضِيَ اللَّهُ عَنْهُ،‏‏‏‏‏‏قَالَ:‏‏‏‏ مِنَ السُّنَّةِ وَضْعُ الْكَفِّ عَلَى الْكَفِّ فِي الصَّلَاةِ تَحْتَ السُّرَّةِ "

ترجمہ:حضرت علی رضی اللہ عنہ نے فرمایا کہ نماز میں ہتھیلی کو ہتھیلی پرناف کے نیچے رکھنا سنت ہے۔(سنن ابی داؤد،حدیث نمبر،756)

واللہ اعلم بالصواب

(یہ فتویٰ مکمل یعنی پورے کا پورا مع لنکس شئیرکرسکتے ہیں،آدھا کاٹ کر،آدھا کاپی کرکے،یا آدھا سکرین شاٹ لے کر،شئیرکرنے کی اجازت نہیں)

اپنے سوالات لکھ کر(آڈیو وائس میسج میں نہیں،آڈیو وائس میسج بغیرسنے ہی ڈلیٹ کر دیے جاتے ہیں)اس نمبرپروٹس اپ کریں۔مصروفیت کی وجہ سے آپ کے سوال کا جواب تقریبا 12 گھنٹوں سے 24 گھنٹوں کے اندردینےکی کوشش کی جائے گی۔

http://wa.me/+923169168614

Whats App Num

+923169168614

فیس بک اکاؤنٹ لنک

https://www.facebook.com/SyedKamran786

وٹس اپ گروپ لنک

https://chat.whatsapp.com/HjhutGtP9Q084HkNB8gUHA

وٹس اپ چینل لنک

https://whatsapp.com/channel/0029Va88jvD8kyyNPQOHay31

ٹیلی گرام گروپ لنک:

https://t.me/FiqhiMasail2526

آدمی تین قسم کے ہیں

اعلیٰ حضرت امامِ اہلسنت مولانا شاہ اِمام اَحمد رضاخان رحمتہ اللہ علیہ سے جب خلوت نشینی کے متعلق سوال ہوا تو آ پ نے ارشاد فرمایا:

آدمی تین قسم کے ہیں :

 (۱) مُفِیْد

 (۲) مُسْتَفِیْد

 (۳) مُنْفَرِد۔

■مفید وہ کہ دوسروں کو فائدہ پہنچائے،

■مستفید وہ کہ خود دوسرے سے فائدہ حاصل کرے،  

■منفرد وہ کہ دوسرے سے فائدہ لینے کی اسے حاجت نہ ہو اور نہ دوسرے کو فائدہ پہنچاسکتا ہو۔۔۔۔۔۔

☆مفید اور‏مستفید کو خلوت حرام ہے اور منفرد کو جائز بلکہ واجب۔۔۔۔

اِمام اِبن سیرین علیہ الرحمہ کا واقعہ بیان فرما کر ارشاد فرمایا:  وہ لوگ جو پہاڑ پر گوشہ نشین ہو کر بیٹھ گئے تھے وہ خود فائدہ حاصل کیے ہوئے تھے اور دوسروں کو فائدہ پہنچانے کی اُن میں قابلیت نہ تھی اُن کو گوشہ نشینی جائز تھی اور امام اِبن سیرین علیہ الرحمہ پر یعنی خلوت حرام تھی۔۔۔۔۔✨

مولا علی نےایک فقیرکےہاتھ پردرود شریف پڑھ کردم کیاتو ہاتھ میں سکےآگئےاس واقعہ کا حوالہ مل سکتاہےکسی حدیث کی کتاب سےیااس کو روایت کرنےوالے راوی کے بارے میں ارشاد فرما دیں جزاک اللہ خیرا

سوال نمبر:19115

السلام علیکم

مولا علی نےایک فقیرکےہاتھ پردرود شریف پڑھ کردم کیاتو ہاتھ میں سکےآگئےاس واقعہ کا حوالہ مل سکتاہےکسی حدیث کی کتاب سےیااس کو روایت کرنےوالے راوی کے بارے میں ارشاد فرما دیں 

جزاک اللہ خیرا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

وعلیکم السلام ورحمة الله وبركاته

یہ روایت راحت القلوب کےحوالےسےملتی ہےاورراحت القلوب بابا فرید الدین گنج شکر رحمۃ اللہ علیہ کےملفوظات پرمشتمل کتاب 656ھ میں لکھی گئی،جسےآپ کےخلیفہ محبوب الہٰی حضرت خواجہ سید نظام الدین اولیاءنےلکھاہے،اس کتاب میں بابا فرید الدین گنج شکررحمۃ اللہ علیہ کےحوالےسےاس روایت کو بیان کرتےہوئےآپ لکھتے ہیں:"ایک بارکسی بھکاری نےکفارسےسوال کیا،اُنہوں نےمذاقا امیرالمومنین حضرت سیدنا علی مولی مشکل کشا کرم اللہ وجہہ الکریم کےپاس بھیج دیاجوکہ سامنےتشریف فرماتھے۔اُس نےحاضرہوکردست سوال درازکیا،آپ کرم اللہ وجہہ الکریم نے10 باردرود شریف پڑھ کراس کی ہتھیلی پردم کردیااورفرمایا:’’مٹھی بندکرلواورجن لوگوں نےبھیجاہےاُن کے سامنےجاکرکھول دو۔‘‘(کفارہنس رہےتھےکہ خالی پھونک مارنےسےکیاہوتاہے!)مگرجب سائل نےان کےسامنےجاکرمٹھی کھولی تواس میں ایک دینارتھا!یہ کرامت دیکھ کرکئی کافرمسلمان ہوگئے۔(راحت القلوب(مترجم)،صفحہ 142،مطبوعہ لاہور)

چونکہ یہ حدیث فضائل کےباب میں ہےاوراسےنقل کرنےوالےمعتمد اولیاء اللہ ہیں تواس کےثبوت وبیان کواتنابھی کافی ہے،کیونکہ جس حدیث کومعتمد علماءیااولیاء بصیغہ جزم نقل کریں توبلحاظ فضائل اس کےثبوت کےلیےاتنابھی کافی ہوتاہےاوربارہاایساہوتاہےکہ کئی احادیث کواولیاء کرام بروجہ کشف پہچان لیتےہیں اوراس کوآگےبیان کرتےہیں تو جس طرح محدثین کےثبوت حدیث کےلیےروات کا ذریعہ ہےایسے ہی اولیاء اللہ اپنے کشف کےذریعےبھی احادیث کےثبوت کو لاتےوبیان کرتےہیں،توباب فضائل میں کشفی احادیث پرعمل میں کوئی حرج نہیں،کثیرمحدثین بشمول امام جلال الدین سیوطی وملاعلی قاری وغیرہ بھی کشف کےذریعےتصحیح وثبوت احادیث کےقائل ہیں،جنہیں متفرق مقامات پردیکھاجاسکتاہے،لہذا یہ روایت بھی معتمد اورمعتبرکتب میں اولیا اللہ سےمنقول وثابت ہے،لہذا اس کا خاص کسی سندکےساتھ کسی حدیث کی کتاب میں نہ ملنااس کے بیان کومضرنہیں۔

چنانچہ،اعلی حضرت امام احمد رضا خان محدث بریلی علیہ الرحمہ فرماتے ہیں:یہی وجہ ہےکہ بہت احادیث جنہیں محدثین کرام اپنےطورپرضعیف ونامعتبرٹھہراچکے علمائےقلب،عرفائے رب،ائمہ عارفین،سادات مکاشفین قدسنا اللہ تعالٰی باسرارہم الجلیلہ ونورقلوبنا بانوارہم الجمیلہ انہیں مقبول ومعتمد بناتےاوربصیغ جزم وقطع حضورپرنورسید عالم صلی اللہ تعالٰی علیہ وسلم کی طرف نسبت فرماتےاوران کےعلاوہ بہت وہ احادیث تازہ لاتےجنہیں علما اپنےزبرودفاترمیں کہیں نہ پاتے،اُن کےیہ علوم الٰہیہ بہت ظاہر بینوں کونفع دینا درکناراُلٹےباعث طعن ووقعیت وجرح واہانت ہوجاتے،(حالانکہ وہ ان طعن کرنےوالوں سےزیادہ اللہ تعالٰی سےخوف رکھنےوالے،اللہ تعالٰی کےبارےمیں زیادہ علم رکھنےوالے،سرورِدوعالم صلی اللہ تعالٰی علیہ وسلم کی طرف کسی قول کی نسبت کرنے میں بہت احتیاط کرنےوالےتھے۔)تھے۔

بالجملہ اولیاکےلئےسوا اس سند ظاہری کےدوسرا طریقہ ارفع وعلٰی ہے ولہذا حضرت سیدی ابویزید بسطامی رضی اللہ تعالٰی عنہ وقدس سرہ السامی اپنے زمانہ کےمنکرین سےفرماتے:قد اخذتم علمکم میتا عن میت واخذنا علمنا عن الحی الذی لایموت۔نقلہ سیدی الامام الشعرانی فی کتابہ المبارک الفاخرالیواقیت والجواھراٰخرالمبحث السابع والاربعین۔ ترجمہ:تم نےاپناعلم سلسلہ اموات سےحاصل کیا ہےاورہم نےاپنا علم حی لایموت سےلیا ہے۔اسےسیدی امام شعرانی نےاپنی مبارک اورعظیم کتاب الیواقیت والجواہرکی سینتالیس بحث کےآخرمیں ذکرکیاہے۔

(الیواقیت والجواہر،باب الثالث والسابع والاربعین،جلد 2،صفحہ91، مطبوعہ مصر)

حضرت سیدی امام المکاشفین محی الملۃ والدین شیخ اکبرابن عربی رضی اللہ تعالٰی عنہ نےکچھ احادیث کی تصحیح فرمائی کہ طورعلم پرضعیف مانی گئی تھیں،کماذکرہ فی باب الثالث والسبعین من الفتوحات المکیۃ الشریفۃ الالھٰیۃ الملکیۃ ونقلہ فی الیواقیت ھنا۔ترجمہ:جیساکہ انہوں نےفتوحات المکیۃ الشریفۃ الالہٰیۃ الملکیۃ کےتیرھویں باب میں ذکر کیااورالیواقیت میں اس مقام پراسےنقل کیاہے۔

(الیواقیت والجواہر،باب الثالث والسابع والاربعین،جلد 2، صفحہ88،مصر)

(ملتقط من فتاوی رضویہ،جلد 5،صفحہ 491،92،رضا فاؤنڈیشن،لاہور)

واللہ اعلم بالصواب

(یہ فتویٰ مکمل یعنی پورے کا پورا مع لنکس شئیرکرسکتے ہیں،آدھا کاٹ کر،آدھا کاپی کرکے،یا آدھا سکرین شاٹ لے کر،شئیرکرنے کی اجازت نہیں)

اپنے سوالات لکھ کر(آڈیو وائس میسج میں نہیں،آڈیو وائس میسج بغیرسنے ہی ڈلیٹ کر دیے جاتے ہیں)اس نمبرپروٹس اپ کریں۔مصروفیت کی وجہ سے آپ کے سوال کا جواب تقریبا 12 گھنٹوں سے 24 گھنٹوں کے اندردینےکی کوشش کی جائے گی۔

http://wa.me/+923169168614

Whats App Num

+923169168614

فیس بک اکاؤنٹ لنک

https://www.facebook.com/SyedKamran786

وٹس اپ گروپ لنک

https://chat.whatsapp.com/HjhutGtP9Q084HkNB8gUHA

وٹس اپ چینل لنک

https://whatsapp.com/channel/0029Va88jvD8kyyNPQOHay31

ٹیلی گرام گروپ لنک:

https://t.me/FiqhiMasail2526

حضرت سید صاحب قبلہ میں نے شرح حدائق بخشش میں ایک جگہ روح البیان کے حوالہ سے پڑھا کہ حضرت عبداللہ بن مبارک رحمہ اللہ کے وصال کے بعد اللہ تعالٰی نے آپ کو تیس سال کھڑے رکھا ک آپ نے ایک بدعتی کو محبت کی نگاہ سے دیکھا تھا

سوال نمبر:19114

السلام علیکم و رحمۃ اللہ و برکاتہ

حضرت سید صاحب قبلہ میں نے شرح حدائق بخشش میں ایک جگہ روح البیان کے حوالہ سے پڑھا کہ حضرت عبداللہ بن مبارک رحمہ اللہ کے وصال کے بعد اللہ تعالٰی نے آپ کو تیس سال کھڑے رکھا ک آپ نے ایک بدعتی کو محبت کی نگاہ سے دیکھا تھا

براہ کرم اس واقعے کی حوالہ کے ساتھ تفصیل ارشاد فرمادیں

محمد فیضان رضا بریلی شریف بھارت

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

وعلیکم السلام ورحمة الله وبركاته

وہ واقعہ یوں ہےکہ عبداللہ بن مبارک رحمۃ اللہ تعالٰی علیہ کو ان کی وفات کےبعدخواب میں دیکھا گیاتوان سےپوچھاکہ اللہ تعالیٰ نےآپ کےساتھ کیا معاملہ فرمایاہے؟توآپ نے کہاکہ مجھےتیس سال تک اس سبب سےروکےرکھا گیا کہ میں نے ایک بدعتی شخص کو محبت کی نظرسےدیکھاتھا۔ 

چنانچہ،روح البیان میں ہے:"وروى ان ابن المبارك رؤى في المنام فقيل له ما فعل ربك بك فقال عاتبنى وأوقفنى ثلاثين سنة بسبب انى نظرت باللطف يوما الى مبتدع."

(روح البيان،سورة البقرة،تحت الآيات121 إلى 123، 1/220،دارالفکر،بیروت)

واللہ اعلم بالصواب

(یہ فتویٰ مکمل یعنی پورے کا پورا مع لنکس شئیرکرسکتے ہیں،آدھا کاٹ کر،آدھا کاپی کرکے،یا آدھا سکرین شاٹ لے کر،شئیرکرنے کی اجازت نہیں)

اپنے سوالات لکھ کر(آڈیو وائس میسج میں نہیں،آڈیو وائس میسج بغیرسنے ہی ڈلیٹ کر دیے جاتے ہیں)اس نمبرپروٹس اپ کریں۔مصروفیت کی وجہ سے آپ کے سوال کا جواب تقریبا 12 گھنٹوں سے 24 گھنٹوں کے اندردینےکی کوشش کی جائے گی۔

http://wa.me/+923169168614

Whats App Num

+923169168614

فیس بک اکاؤنٹ لنک

https://www.facebook.com/SyedKamran786

وٹس اپ گروپ لنک

https://chat.whatsapp.com/HjhutGtP9Q084HkNB8gUHA

وٹس اپ چینل لنک

https://whatsapp.com/channel/0029Va88jvD8kyyNPQOHay31

ٹیلی گرام گروپ لنک:

https://t.me/FiqhiMasail2526

چار اماموں کی تقلید لوگوں پرواجب ہیں اورچاروں برحق ہیں ایسا کیسےہوسکتاہےتوجواب عنایت کریں کہ چاروں مسلک برحق ہیں اس کی وضاحت کرنی ہے؟

سوال نمبر:19111

السلام علیکم ورحمۃ اللہ تعالی وبرکاتہ میرا سوال یہ ہے کہ چار اماموں کی تقلید لوگوں پرواجب ہیں اورچاروں برحق ہیں ایسا کیسےہوسکتاہےتوجواب عنایت کریں کہ چاروں مسلک برحق ہیں اس کی وضاحت کرنی ہے؟

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

وعلیکم السلام ورحمة الله وبركاته

بخاری شریف میں ہےکہ جب نبی کریم صلی اللہ علیہ وسلم غزوہ خندق سےفارغ ہوئے (ابوسفیان واپس آئے)توہم سےآپ صلی اللہ علیہ وسلم نےفرمایا کوئی شخص بنوقریظہ کےمحلہ میں پہنچنےسےپہلےنمازعصرنہ پڑھےلیکن جب عصرکاوقت آیا توبعض صحابہ نےراستہ ہی میں نمازپڑھ لی اوربعض صحابہ رضی اللہ عنہم نےکہاکہ ہم بنو قریظہ کےمحلہ میں پہنچنےپرنمازعصرپڑھیں گےاورکچھ حضرات کا خیال یہ ہوا کہ ہمیں نمازپڑھ لینی چاہیےکیونکہ نبی کریم صلی اللہ علیہ وسلم کا مقصد یہ نہیں تھا کہ نمازقضاء کرلیں۔پھرجب آپ سےاس کا ذکرکیاگیاتو آپ صلی اللہ علیہ وسلم نےکسی پر بھی ملامت نہیں فرمائی۔

چنانچہ،بخاری شریف کی حدیث میں ہے:"عن ابن عمر،قال:قال النبي صلى الله عليه وسلم لنا لمارجع من الاحزاب:"لايصلين احد العصرإلا في بني قريظة"،فادرك بعضهم العصرفي الطريق،فقال بعضهم:لانصلي حتى ناتيها،وقال بعضهم:بل نصلي لم يرد منا ذلك، فذكر للنبي صلى الله عليه وسلم فلم يعنف واحدا منهم."(بخاری شریف،حدیث نمبر:946)

توجیسےیہاں دونوں گروہ درست ہیں توایسےہی مذاہبِ اربعہ بھی برحق ہیں۔ 

مزیداعلی حضرت امام احمد رضا خان محدث بریلی علیہ الرحمہ فرماتے ہیں:"مذاہب اربعہ اہلسنت سب رشد وہدایت ہیں جو ان میں سےجس کی پیروی کرےاورعمربھراس کا پیرو رہے،کبھی کسی مسئلہ میں اس کےخلاف نہ چلے،وہ ضرورصراط مسقیم پرہے، اس پرشرعاً الزام نہیں،ان میں سےہرمذہب انسان کےلیےنجات کوکافی ہے،تقلید شخصی کوشرک یاحرام ماننےوالےگمراہ ضالین متبع غیرسبیل المومنین ہیں۔"

(فتاوی رضویہ،جلد 11،صفحہ 406،رضا فاؤنڈیشن،لاہور)

دوسرے مقام پرلکھتےہیں:"غیرمقلد شافعی نہیں بلکہ اہل بدعت واہوا واہل نار ہیں،طحطاوی علی الدرالمختارمیں ہے:"فمن کان خارجا من ھٰؤلاء الاربعۃ فی ھذہ الزمان فھو من اھل البدعۃ والنار"

ترجمہ:جوان چاروں مذاہب سےخارج ہےاس دورمیں تو وہ بدعتی اورجہنمی ہے۔

 (حاشیہ طحطاوی علی الدرالمختار،کتاب الذبائح،دارالمعرفۃ بیروت،2/153)

(فتاوی رضویہ،جلد 11،صفحہ 289،رضا فاؤنڈیشن،لاہور)

واللہ اعلم بالصواب

(یہ فتویٰ مکمل یعنی پورے کا پورا مع لنکس شئیرکرسکتے ہیں،آدھا کاٹ کر،آدھا کاپی کرکے،یا آدھا سکرین شاٹ لے کر،شئیرکرنے کی اجازت نہیں)

اپنے سوالات لکھ کر(آڈیو وائس میسج میں نہیں،آڈیو وائس میسج بغیرسنے ہی ڈلیٹ کر دیے جاتے ہیں)اس نمبرپروٹس اپ کریں۔مصروفیت کی وجہ سے آپ کے سوال کا جواب تقریبا 12 گھنٹوں سے 24 گھنٹوں کے اندردینےکی کوشش کی جائے گی۔

http://wa.me/+923169168614

Whats App Num

+923169168614

فیس بک اکاؤنٹ لنک

https://www.facebook.com/SyedKamran786

وٹس اپ گروپ لنک

https://chat.whatsapp.com/HjhutGtP9Q084HkNB8gUHA

وٹس اپ چینل لنک

https://whatsapp.com/channel/0029Va88jvD8kyyNPQOHay31

ٹیلی گرام گروپ لنک:

https://t.me/FiqhiMasail2526