داڑھی رکھنا کہاں سےثابت ہے؟اورکوٸی حدیث ہےجس میں داڑھی کا ثبوت ہو رہنماٸی فرمایں

سوال نمبر:19033

اَلسَلامُ عَلَيْكُم وَرَحْمَةُ اَللهِ وَبَرَكاتُهُ‎ کیافرماتےہیں علماےدین مسٸلہ ذیل میں کہ داڑھی رکھنا کہاں سےثابت ہے؟اورکوٸی حدیث ہےجس میں داڑھی کا ثبوت ہو رہنماٸی فرمایں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

وعلیکم السلام ورحمة الله وبركاته

ایک مشت داڑھی رکھناواجب ہے،بالکل منڈانایاایک مشت سےکم کروانا ناجائزوگناہ ہے،چنانچہ صحیح بخاری میں ہے:”عن نافع عن ابن عمررضی اللہ تعالیٰ عنھما عن النبی صلی اللہ تعالیٰ علیہ وآلہ وسلم قال خالفوالمشرکین وفروااللحی واحفواالشوارب“

ترجمہ:مشرکوں کاخلاف کرو،مونچھیں خوب پست اورداڑھیاں کثیرووافررکھو۔

(صحیح بخاری،کتاب اللباس،جلد 2،صفحہ 875،مطبوعہ کراچی)

اس حدیث کی شرح میں شارح صحیح بخاری حضرت علامہ مفتی محمد شریف الحق امجدی رحمة اللہ القوی فرماتےہیں:”اس حدیث میں مشرکین سےمراد مجوس ہیں اس لئے کہ وہی داڑھی کترواتےیامنڈاتےتھے۔”وفروا“اوربعض حدیثوں میں”واعفوا“وارد ہے،لہٰذا ان حدیثوں سےثابت کہ داڑھی کابڑھاناواجب ہے۔

(نزھةالقاری،کتاب اللباس،جلد 5،صفحہ 540،مطبوعہ فرید بک سٹال،لاہور)

صحیح مسلم میں ہے:”احفواالشوارب واعفوااللحی“ترجمہ:مونچھیں خوب پست کرواورداڑھیاں چھوڑرکھو۔(صحیح مسلم،کتاب الطہارة،باب خصال الفطرة،جلد 1،صفحہ 129،مطبوعہ کراچی)ایک اورمقام پرصحیح مسلم میں ہے:”ان رسول اللہ صلی اللہ تعالیٰ علیہ وآلہ وسلم امرباحفاء الشوارب واعفاء اللحی“

ترجمہ:بیشک رسول اللہ صلی اللہ تعالیٰ علیہ وآلہ وسلم نےحکم دیا مونچھیں خوب پست کرنےاورداڑھیاں معاف رکھنےکا۔(صحیح مسلم،کتاب الطہارة،باب خصال الفطرة،جلد 1،صفحہ 129،مطبوعہ کراچی)

شارح مسلم،علامہ شرف الدین نووی علیہ رحمة اللہ القوی ان اوراسی طرح کی روایات کی شرح میں فرماتےہیں:”فحصل خمس روایات اعفوا و اوفواوارخو اوارجوا ووفروا ومعناھا کلھا ترکھا علی حالھا ھذا ھو الظاھرمن الحدیث الذی یقتضیہ الفاظہ وھو الذی قالہ جماعة من اصحابنا وغیرھم من العلماء وقال القاضی عیاض رحمة اللہ تعالیٰ علیہ یکرہ حلقھا وقصھا وتحریقھا“

ترجمہ:یہ پاتچ روایات حاصل ہوئیں”اعفوا و اوفواوارخو اوارجوا ووفروا“اوران تمام کا معنی یہ ہےکہ داڑھی کواپنےحال پرچھوڑنا۔یہ معنی حدیث کےالفاظ کےمقتضی سے ظاہرہے،اوریہ وہی معنی ہےجو ہمارے اصحاب کی ایک جماعت نےاوران کےعلاوہ علمائےکرام نے بیان فرمایااورعلامہ قاضی عیاض رحمة اللہ تعالیٰ علیہ نےفرمایا کہ داڑھی کا منڈانا،کتروانااورجلانامکروہ ہے۔

(شرح مسلم للنووی،کتاب الطہارة،باب خصال الفطرة،جلد 1،صفحہ 129،مطبوعہ کراچی)

واللہ اعلم بالصواب 

(یہ فتویٰ مکمل یعنی پورے کا پورا مع لنکس شئیرکرسکتے ہیں،آدھا کاٹ کر،آدھا کاپی کرکے،یا آدھا سکرین شاٹ لے کر،شئیرکرنے کی اجازت نہیں)

اپنے سوالات لکھ کر(آڈیو وائس میسج میں نہیں،آڈیو وائس میسج بغیرسنے ہی ڈلیٹ کر دیے جاتے ہیں)اس نمبرپروٹس اپ کریں۔مصروفیت کی وجہ سے آپ کے سوال کا جواب تقریبا 12 گھنٹوں سے 24 گھنٹوں کے اندردینےکی کوشش کی جائے گی۔

http://wa.me/+923169168614

Whats App Num

+923169168614

فیس بک اکاؤنٹ لنک

https://www.facebook.com/SyedKamran786

وٹس اپ گروپ لنک

https://chat.whatsapp.com/HjhutGtP9Q084HkNB8gUHA

وٹس اپ چینل لنک

https://whatsapp.com/channel/0029Va88jvD8kyyNPQOHay31

ٹیلی گرام گروپ لنک:

https://t.me/FiqhiMasail2526