*🌹 متولی کے اوصاف کیاہیں ، کیا فاسق معلن مسجد کا متولی بن سکتاہے ؟🌹*ا__(💜)____

*🌹 متولی کے اوصاف کیاہیں ، کیا فاسق معلن مسجد کا متولی بن سکتاہے ؟🌹*

ا__(💜)____

*https://t.me/alhalqatulilmia*

ا__(💜)____

*سوال*

*السّلام علیکم ورحمة الله وبرکاتہ*

   

 کیا ڈاڑھی شریف منڈانے والے یا خشخشی کرانے والے شخص کو کسی سُنّی مسجدشریف یا مدرسہ کا مُتولی و مُہتمم بنانا شرعاً جاٸز ہے؟

براۓ کرم رہنماٸی فرماٸیں -

ساٸل : محمّدعبدُالمصطفٰی ارشدی - (پاکستان)

ا__(💜)____

*وعلیکم السلام ورحمتہ اللہ وبرکاتہ*

*الجواب بعون الملک الوھاب*

*مسجد اللہ تبارک وتعالیٰ کا گھر ہے ، فلہذا اس کا متولی و قیم بھی ایسا ہونا چاہئے جو دیانت دار بھی ہو اور باعمل بھی ، ہوشیار و سمجھدار بھی ہو اور وقف کا خیرخواہ بھی ، نہ فاسق ہو نہ لالچی ، نہ بدعقل ہو نہ کھیل تماشوں کا شوقین ، نہ کار وقف سے عاجز ہو نہ بدعقیدہ ، اور نہ متولی بننے کا حریص ہو ،*

چنانچہ امام برہان الدین ابراہیم بن موسی طرابلسی حنفی متوفی ۹۲۲ھ فرماتے ہیں

*🖋️" لا يولى إلا أمين قادر بنفسه أو بنائبه؛ لأن الولاية مقيدة بشرط النّظر، وليس النّظر تولية الخائن؛ لأنه يخل بالمقصود، وكذا تولية العاجز؛ لأن المقصود لا يحصل به، ويستوي فيها الذكر والأنثى، وكذلك الأعمى والبصير، وكذلك المحدود في قذف إذا تاب؛ لأنه أمين رجل طلب التولية على الوقف، قالوا: لا تعطي له "*

*(📘 الاسعاف فی احکام الاوقاف ، باب الولایۃ علی الوقف ، ص۱۲۹ ، مطبوعۃ:جامعۃالعلوم الاسلامیۃ ، عمان - اردن)*

یعنی، متولی نہیں ہوسکتا مگر امانتدار جو خود قادر ہو یا اپنے نائب کے ذریعہ قادر ہو ، اسلئےکہ ولایت نگہبانی کی شرط کے ساتھ مقید ہے اور خائن کی تولیت میں نگہبانی ہےہی نہیں اسلئے کہ وہ مقصود میں مخل ہوگا ، یونہی عاجز کی تولیت کہ اس سے مقصود حاصل نہیں ہوگا ، اس میں مرد و عورت ، اندھا انکھیارا ، تائب شدہ محدود فی القذف برابر ہیں ، جس آدمی نے وقف کی تولیت طلب کی فقہاء فرماتے ہیں کہ اسے نہ دی جائے ،

اور علامہ زین ابن نجیم مصری حنفی متوفی ۹۷۰ھ فرماتے ہیں

*🖋️" قال في فتح القدير الصالح للنظر من لم يسأل الولاية للوقف وليس فيه فسق يعرف قال وصرح بانه مما يخرج به الناظر ما اذاظهر به فسق کشربہ الخمرونحوه "*

*(📕البحر الرائق ، کتاب الوقف ، ۵/۲۴۴ ، مطبوعۃ: شرکۃعلاؤالدین بیروت)*

یعنی،فتح القدیر میں فرمایاکہ وقف کا نگہبان بننے کے قابل وہ ہے جو تولیت نہ مانگے ، اور اس کے اندر اعلانیہ فسق نہ ہو ، اگر فسق ظاہر ہوجائے مثلا شراب پینا وغیرہ تو وہ تولیت سے نکل جائےگا ،

*داڑھی مونڈانے یا خشخشی رکھنے والا شخص بھی فاسق معلن ہے کماھو مصرح فی عدۃ من الکتب الفقھیۃ ، فلہذا وہ بھی متولی یا مہتمم بننے کے لائق نہیں*

چنانچہ امام اہلسنت امام احمدرضاقادری حنفی متوفی ۱۳۴۰ھ فرماتے ہیں

*🖋️" لائق وہ ہے کہ دیانت کار گزار ہوشیار ہو جس پر در باره حفاظت و خیر خواہی وقف اطمینان کافی ہو ، فاسق نہ ہو جس سے بطمع نفسانی یا بے پروائی یا ناحفاظتی یا انہماک لہو ولعب وقف کو ضرر پہنچانے یا پہنچنے کا اندیشہ ہو بد عقل یا عاجز یا کاہل نہ ہو کہ اپنی حماقت یا نادانی یاکام نہ کر سکنے یا محنت سے بچنے کے باعث وقف کو خراب کرے، فاسق اگر چہ کیسا ہی ہو شیار کار گزار مالدار ہو ہر گز لائق تولیت نہیں کہ جب وہ نافرمانی شرع کی پروا نہیں رکھتا کسی کار دینی میں اس پر کیا اطمینان ہو سکتا ہے، لہذا حکم ہے کہ اگر خود واقف فسق کرے واجب ہے کہ وقف اس کے قبضہ سے نکال لیا جاۓ اور کسی امین متدین کو سپر د کیا جاۓ پھر دوسرا تو دوسرا ہے۔ "*

*(📙فتاوی رضویہ ، کتاب الوقف ، باب المسجد ، ۱۶/۵۵۸ ، رضافاؤنڈیشن لاہور ، طبع: ۱۴۲۰)*

*فلہذا اگر فتنہ و فساد کا اندیشہ نہ ہوتو اسے ہرگز متولی و مہتمم نہ بنایا جائے ، اگر بن بیٹھا ہو بشرط استطاعت اسے ہٹا دیاجائے*

ا__(💜)____

*واللہ تعالیٰ اعلم باالصواب*

ا__(💜)____

*کتبــــہ؛*

*محمد شکیل اخترقادری برکاتی*

*شیخ الحدیث مدرسۃالبنات مسلک اعلی حضرت صدرصوفہ ہبلی کرناٹک الہند*

*۲۲/شوال المکرم ۱۴۴۳ھ مطابق ۲۴/مئی ۲۰۲۲ء*

ا__(💜)____

*الجواب صحیح والمجیب نجیح٫ عبدہ محمد عطاء اللہ النعیمی عفی عنہ*

ا__(💜)____

*الجواب صحیح والمجیب نجیح,عبدہ محمد جنید العطاری النعیمی عفی عنہ*

ا__(💜)____

*الجواب صحيح والمجيب نجيح*

*أبو الضياء محمد فرحان القادري النعيمي*

ا__(💜)____

*الجواب صحیح*

*محمد شہزاد النعیمی عفی عنہ*

ا__(💜)____

*🖊 دارالافتاء ارشدیہ سبحانیہ گروپ🖊*

*رابطہ؛☎7795812191)*

ا__(💜)____

*🖌المشتــہر :,۔🖌*

*منجانب؛منتظمین دارالافتاء ارشدیہ سبحانیہ گروپ؛دلشاد احمد سدھارتھ نگر یو پی*

ا__(💜)____

1289