تین دن سے زیادہ قطع تعلق رکھنا کیسا ہے

تین دن سے زیادہ قطع تعلق رکھنا کیسا

ســـــــــوال
حضور اکرم صلی اللہ علیہ وسلم نے ارشاد فرمایا جس نے اپنے بھائی سے تین دن سے زیادہ قطع تعلق رکھا خطرہ ہے کہ اس کا خاتمہ ایمان پر نہ ہو
اور جس نے ایک سال تک قطع تعلق رکھا اس نے اپنے بھائ کا قتل کیا
       کون سی کتاب اور اس کے راوی کون ہیں
مکمل حدیث کیا ہے
تحقیق کے ساتھ عنایت فرمائیں ؟؟؟؟؟؟؟؟؟

الجواب بعون الملک الوہاب
صورت مستفسرہ میں مذکورہ بالا حدیث ابوداؤد شریف جلد سوم  کتاب آداب و اخلاق میں حدیث نمبر 4915 کی ہے
ابوخراش سلمٰی کہتے ہیں کہ ؛ انہوں نے رسول اللہ صلی اللہ تعالٰی علیہ وسلم کو فرماتے سنا ؛ جس نے اپنے بھائی سے ایک سال تک قطع تعلق رکھا تو یہ اس کے خون بہانے کی طرح ہے ؛

حضرت ابوہریرہ رضی اللہ تعالٰی عنہ سے روایت ہے کہ رسول اللہ صلی اللہ تعالی علیہ وسلم نے فرمایا ؛ کسی مسلمان کیلئے جائز نہیں کہ وہ اپنے بھائی سے تین دن سے زیادہ ناراض رہے جس آدمی نے تین دن سے زیادہ تعلق منقطع رکھا اور وہ اس دوران فوت ہوگیا تو دوزخ میں داخل ہوگا؛  واللہ اعلم بالصواب؛
 ابوداؤد شریف جلد سوم  کتاب آداب و اخلاق حدیث نمبر 4915


کتبہ؛
ابوالصدف محمد صادق رضا
مقام؛  سنگھیا   پورنیہ
خادم؛  شاہی جامع مسجد
پٹنہ  بہار  الھند

الجواب صحیح محمد شبیر احمد صدیقی جامع مسجد احمد آباد گجرات