*❣️بارش سے بھیگے ہوئے کپڑے میں نماز پڑھنا کیسا ہے❣️*

*❣️بارش سے بھیگے ہوئے کپڑے میں نماز پڑھنا کیسا ہے❣️*

اَلسَلامُ عَلَيْكُم وَرَحْمَةُ اَللهِ وَبَرَكاتُهُ‎

کیافرماتےہیں علماءکرام و مفتیان عظام اس مسئلہ کے بارے میں کہ کیا بارش کے بھیگے ہوئے کپڑے سے نماز پڑھ سکتے ہیں یا نہیں ؟ جواب عنایت فرمائیں کرم نوازش ہوگی ۔

*المستفتی دلشاد احمد سدھارتھ نگر یوپی*

اـــــــــــــــــــــ❣♻❣ــــــــــــــــــــــ

*وعلیکم السلام ورحمۃ اللّٰہ وبرکاتہ*

*الجوابـــــــــــــــــــــــــــــــــــ* 

بارش سے بھیگے ہوئے کپڑے سے بدن ایسا چپکا ہوا تھا کہ دیکھنے سے صرف عضو کی ہئیت معلوم ہوتی ہے تو اس صورت میں نماز پڑھ سکتے ہیں نماز ہو جائے گی اور اگر ایسا ہے کہ بدن چمکنے لگا ہے اور اعضائے ستر عورت کی سرخی ، سفیدی یا سیاہی نظر آنے لگی ہے تو اس صورت میں نماز نہیں پڑھ سکتے ہیں نماز نہ ہوگی بشرطیکہ ستر عورت کا چوتھائی حصہ ظاہر ہو 

جیساکہ فتاوی عالمگیری میں ہے کہ *" الثوب الرقيق الذى يصف ما تحته لا تجوز الصلاة فيه كذا فى التبيين و الاصح أن التقدير فى العورة الغليظة و الخفيفة بالربع هكذا فى الخلاصة " اھ* 

*(📚فتاوی عالمگیری ج 1 ص 58 )*

اور حضرت علامہ حصکفی علیہ الرحمہ تحریر فرماتے ہیں کہ *" ساتر لا يصف ما تحته " اھ اور اسی کے تحت شامی میں ہے کہ " أن لا يرى منه لون البشرة " اھ*

*(📓 در مختار مع شامی ج 1 ص 302 )*

اور بہار شریعت میں ہے کہ " اتنا باریک کپڑا جس سے بدن چمکتا ہو ستر کے لیے کافی نہیں اس سے نماز پڑھی تو نہ ہوئی ۔ یوہیں اگر چادر میں سے عورت کے بالوں کی سیاہی چمکے نماز نہ ہوگی ۔ بعض لوگ باریک ساڑیاں اور تہبند باندھ کر نماز پڑھتے ہیں کہ ران چمکتی ہے ان کی نمازیں نہیں ہوتیں اور ایسا کپڑا پہننا جس سے ستر عورت نہ ہوسکے علاوہ نماز کے بھی حرام ہے ۔ دبیز کپڑا جس سے بدن کا رنگ نہ چمکتا ہو مگر بدن سے بالکل ایسا چپکا ہوا ہے کہ دیکھنے سے عضو کی ہیأت معلوم ہوتی ہے ایسے کپڑے سے نماز ہو جائے گی مگر اس عضو کی طرف دوسروں کو نگاہ کرنا جائز نہیں " اھ 

*(📚بہار شریعت ج 1 ص 480/ نماز کی شرطوں کابیان )*

*واللہ اعلم بالصواب*

اـــــــــــــــــــــ❣♻❣ــــــــــــــــــــــ

*کتبـــــــــــــــــــــہ*

*حضرت مفتی کریم اللہ رضوی صاحب قبلہ مدظلہ العالی خادم التدریس دار العلوم مخدومیہ اوشیورہ برج جوگیشوری ممبئی*

 *۲۲ صفرالمظفر ۱۴۴۳ھ بروز جمعرات*

اـــــــــــــــــــــ❣♻❣ــــــــــــــــــــــ

*✅الجواب صحیح والمجیب نجیح :*

حضرت مفتی شہزادصاحب قبلہ کراچی پاکستان

اـــــــــــــــــــــ❣♻❣ــــــــــــــــــــــ

*🔸فیضان غوث وخواجہ گروپ میں ایڈ کے لئے🔸* https://wa.me/+917800878771

اـــــــــــــــــــــ❣♻❣ــــــــــــــــــــــ

*المشتـــہر؛*

*منتظمین فیضان غوث.وخواجہ گروپ*

اـــــــــــــــــــــ❣♻❣ــــــــــــــــــــــ