انتقال پر ملال۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
انا للہ و انا الیہ راجعون
۔۔۔۔۔۔۔۔۔۔۔۔۔۔۔۔۔۔۔
علماء کا تعارف (166)
۔۔۔۔۔۔۔۔۔۔۔۔۔۔۔
امام المدرسین حضرت علامہ مولانا محمد امام الدین صاحب قبلہ
ابن جناب محمد لئیق احمد صاحب قبلہ مرحوم۔
ماگور جان اتر دیناج پور مغربی بنگال۔
آپ کی ولادت باسعادت باعتبار آدھار کارڈ 25/مئی/1950کو ہوئی۔
آپ کی ابجد خوانی تا مکمل فارسیات کی تعلیم ماگور جان میں قائم ایک بے نامی مکتب میں حضرت جناب منشی باور علی صاحب قبلہ علیہ الرحمہ گچی نگر کے پاس ہوئی۔
اس کے بعد آپ نے مدرسہ اسلامیہ عارفیہ چنامنا میں حضور استاذالعلما حضرت علامہ مولانا مفتی محمد نصیر الدین صاحب قبلہ علیہ الرحمہ کے پاس میزان تا شرح جامی کی تعلیم حاصل کی۔
پھر آپ بریلی شریف چلے گئے' اور جامعہ رضویہ منظر اسلام میں افضل العلماء حضرت علامہ مولانا مفتی محمد افضل حسین صاحب قبلہ علیہ الرحمہ مونگیری' شیخ التفسیر حضرت علامہ مولانا محمد جہانگیر خان صاحب قبلہ علیہ الرحمہ' محدث جلیل حضرت علامہ مولانا مفتی احسان علی صاحب قبلہ علیہ الرحمہ ' جامع معقولات و منقولات حضرت علامہ سید عارف صاحب قبلہ علیہ الرحمہ کے پاس خامسہ تا دورۂ حدیث کی تعلیم حاصل کی۔اور وہیں سے فضیلت کی دستاربندی ہوئی ۔
سند وغیرہ محفوظ نہ ہونے اور حضرت کی یاد داشت کمزور ہوجانے کی وجہ سے تاریخ و سن فراغت معلوم نہ ہو سکی'
حضرت علامہ مولانا مفتی حسن منظر قدیری صاحب قبلہ آپ کے درسی زمیل ہیں ' دونوں کی ایک ساتھ فراغت ہوئی ہے۔
دستار بندی کے بعد آپ وطن عزیز آگئے اور مدرسہ انوار العلوم چین پور میں بساط تدریس بچھایا' دو دیے سے زائد عرصہ تک تدریسی خدمات انجام دیتے رہے' اور ہزاروں تشنگان علوم کو سیراب کیا'
جلالۃالعلم حضرت علامہ مولانا محمد جلال الدین صاحب قبلہ ' کمال ملت حضرت علامہ مولانا محمد کمال الدین صاحب قبلہ اور حضرت علامہ مولانا مفتی محمد غلام محمد مدنی صاحب قبلہ اسی درسگاہ فیض کے خوشہ چین رہے ہیں۔
اس کے بعد آپ نے مدرسہ بدرالاسلام بھیروستان کو اپنا مرکز تدریس بنایا' اور تین دہا سے زائد عرصہ تک تدریسی فرائض انجام دیتے رہے' حتی کہ آپ علیل ہوگئے' اور علالت کی وجہ سے چند سال پہلے سبکدوش ہو گئے۔ اس خوان علم سے بھی ہزاروں طالبان علوم نے استفادہ کیا ۔ جن میں سے بعض " حضرت علامہ و مولانا نور عالم صاحب قبلہ چین پور' حضرت مولانا اسرار الحق صاحب چین پور 'حضرت مولانا شریف عالم صاحب سابٹ باڑی' حضرت مولانا سفیر الدین صاحب چین پور ' حضرت مولانا عبد العزیز صاحب ماگور جان ' حضرت مولانا شاکر عالم صاحب ماگور جان' حضرت مولانا قربان علی صاحب بھیروستان' حضرت مولانا نور الحسن صاحب ماگور جان ' حضرت مولانا نور الہدی صاحب ماگور جان ' حضرت مولانا نور عالم صاحب اٹھیاباڑی چین پور ' حضرت مولانا قمر الزمان صاحب اٹھیاباڑی چین پور ' حضرت مولانا نثار عالم صاحب چین پور 'حضرت مولانا ارشاد عالم صاحب ماگور جان ' حضرت مولانا مہتاب الدین صاحب ماگور جان
حضرت مولانا محمد عمران علی صاحب ماگورجان" کے نام معلوم ہو سکے ہیں۔
ابھی آپ صاحب فراش ہوگئے ہیں۔ علیل ہیں'
آپ کی شادی ماگور جان ہی میں جناب حاجی گوہر علی صاحب قبلہ مرحوم کی صاحب زادی کے ساتھ ہوئی۔ جن سے دو بیٹے حضرت مولانا محمد اسیر الحق صاحب قبلہ' جناب محمد رضوان الرحمن صاحب اور دو بیٹیاں پیدا ہوئیں۔
وصال پر ملال۔۔۔۔
واٹساپ کے ذریعہ معلوم ہوا کہ آج 19/جولائی 2022 بروز منگل آپ کا انتقال پر ملال ہوگیا ہے۔ انا للّٰہ وانا الیہ راجعون
رابطہ نمبر خلف اصغر حضرت مولانا اسیر الحق صاحب
9898719864
۔۔۔۔۔۔۔۔۔۔۔از۔۔۔۔۔۔۔۔۔۔۔۔۔۔۔۔۔
محب العلماء اکیڈمی حیدرآباد
تعارف کنندہ۔۔ ابوالفیضان محمد ذاکر حسین نوری فناءالقادری المصباحی ناظم اعلیٰ جامعہ طیبۃ الرضا چنتل میٹ حیدرآباد
9391321727
22/10/2021
